Qytaıdan 208 keli zańsyz taýardy vagonǵa jasyryp ákelmek bolǵan azamat ustaldy - QR UQK
ASTANA. QazAqparat - Qazaqstan-Qytaı shekarasynda ornalasqan «Dostyq» baqylaý-ótkizý beketiniń temirjoldyq bólimshesinde «Úrimshi - Almaty» poezyn shekaralyq baqylaýdan ótkizý barysynda kontrabandalyq jolmen júk ótkizýge tyrysqan qazaqstandyq azamat ustaldy, dep habarlaıdy QR UQK ShQ baspasóz qyzmeti.
Atap aıtqanda, atalǵan azamat 13-vagonnyń úsh birdeı kýpesiniń joǵarǵy jáne astyńǵy sórelerine jasyrǵan zattarynyń (kıim-keshek, azyq-túlik, avtokólik dóńgelekteri t.b.) qujattaryn kórsete almady. Júktiń jalpy salmaǵy 208 kg bolyp shyqty.
Atalǵan derek boıynsha materıaldar Dostyq stantsııasyndaǵy kóliktik prokýratýraǵa tapsyryldy.
