Qytaıdan 1 tonnadan astam dári-dármekti zańsyz ótkizbek bolǵan áıel ustaldy
ASTANA. QazAqparat - Elimizdiń shyǵysyndaǵy qazaq-qytaı shekarasynda ornalasqan «Qorǵas» baqylaý-ótkizý beketiniń baqylaýshylary qyzmet barysynda kontrabandalyq júkti anyqtady.
Bul týraly QR UQK ShQ baspasóz qyzmeti habarlady.
Jasy 32-degi áıel adam bir tonnadan astam dári-dármekti elimizge zańsyz jolmen ótkizýge árekettengeni úshin ustaldy.
Qazirgi ýaqytta ustalǵan júk baqylaý-ótkizý beketinde. Ol boıynsha Qylmystyq kodekstiń 234-babynyń 1-tarmaǵy boıynsha qylmystyq is qozǵalyp, tergeý amaldary júrgizilýde.
