Qytaıdaǵy zilzaladan qaza tapqandardyń sany 89 adamǵa jetti
BEIJІŃ. 23 shilde. QazAqparat - Qytaıdyń soltústik batysyndaǵy Gansý provıntsııasyndaǵy jer silkinisinen 89 adam opat boldy, 700-den astamy jaraqattandy,
5-eýi izim-ǵaıym joǵalyp ketti, dep habarlaıdy jergilikti bılik ókilderi.
Oqıǵa ornynan shamamen 35 myń jergilikti turǵyn qaýipsiz jerge kóshirildi. Jer asty dúmpýleriniń saldarynan 17 myńnan astam turǵyn úı qırady, zaqym kelgen basqa qurylystardyń sany da sol shamalas. Apattan tikeleı keltirilgen ekonomıkalyq zalal kólemi 400 mıllıon AQSh dollaryna jetti.
Dúısenbi kúni Beıjiń ýaqytymen tańǵy saǵat 07.45-te Gansý provıntsııasynyń Dınsı qalasynda qýaty 6,6 baldyq jer silkinisinen keıin 411-den astam jer asty dúmpýi tirkelgen.
Tabıǵı apattyń saldaryn joıý maqsatynda 3 myńdaı tártip saqshysy, órt sóndirýshiler jáne eriktiler jumyldyrylǵan. Іzdestirý-qutqarý jumystaryna qolǵabys etý úshin 400-den astam sarbaz tartyldy.
Jergilikti BAQ-tyń aqparyna qaraǵanda apattan japa shekken aýdandarda baılanys jáne elektr qýaty qaıta qalpyna keltirilgen. Alaıda qolaısyz aýa raıy izdestirý-qutqarý jumystaryna kedergi keltirip otyr.
Qazirgi tańda zilzaladan japa shekkenderdiń sany naqtylanýda.
