Qytaıdaǵy jer silkinisinen zardap shekkenderdiń sany 600-ge jetti, 72 adam qaza tapty
ASTANA. 20 sáýir. qazAqparat - Qytaıda oryn alǵan jer silkinisinen 72 adam qaza taýyp, 600 adam jaralandy. Rosbalttyń habarlaýynsha, budan buryn 12 adam qaza taýyp, 100-ge jýyǵy jaralanǵan bolatyn.
Bul apat jalpy sany 80 myń adamǵa kesirin tıgizdi. Qazirgi kezde 10 myńnan astam baspana qırap, joldar buzylyp, baılanys úzilgendigi belgili bolyp otyr.
Apat aımaǵyna eldiń basqa óńirlerinen qutqarýshylar men dárigerler kelýde. QHR Tóraǵasy Sı Tszınpın jáne Qytaı Memkeńesiniń premeri Lı Ketsıan adamdardy qutqarý jáne apatttyń zardabyn joıý jumystaryn úzdiksiz jalǵastyra berýge tapsyrma berdi.
Oqıǵa ornynan kelip túsken aqparattarǵa sáıkes, Sychýan provıntsııasyndaǵy seısmıkalyq belsendiliktiń artýyna baılanysty, Chendý qalasynda halyqaralyq áýejaı jabylyp, poıyzdar qozǵalysy tejelgen.
Budan buryn habarlanǵandaı, jerasty dúmpýleri búgin saǵat 8:02-de (Beıjiń ýaqyty boıynsha) ıAan qalasynda 13 shaqyrym tereńdikte tirkelgen.
