Qytaıdaǵy jer silkinisinen 300 myńnan astam adam zardap shekti
ASTANA. QazAqparat - Qytaıdyń Intszıan ýezindegi zilzala saldarynan 300 myńnan astam zardap shekti, dep habarlaıdy Sınhýa.
«Senbide saǵat 4:49-da kúshi 5,6 baldyq jer silkinisi boldy. 19:40 kezindegi jaǵdaı boıynsha odan 311 myń adam zardap shekken. Sonymen birge, óńirlik ınfraqurylymnyń bólek nysandaryna da shyǵyn keltirildi»,-delingen habarlamada.
Qutqarý jumystary boıynsha shtabtyń aldyn ala málimetterine qaraǵanda, 13 adam jaraqat alǵan. 4312 otbasyǵa tıesili turǵyn úıler qıraǵan nemese zalal keltirilgen.
Intszıan ýezi ákimshiliginiń basshysy Veı Gannyń aıtýynsha, jer silkinisinen jergilikti ınfraqurylymǵa, onyń ishinde energetıkalyq, kóliktik nysandarǵa edáýir shyǵyn kelip otyr. Qazirgi kezde atalǵan jerdiń aýmaǵynda 3 myńnan astam qutqarýshy jumys isteýde. 10,1 myń adam shuǵyl qaýipsiz jerge kóshirildi.
