Qytaıdaǵy jer silkinisinen 2 myńdaı adam bar qonaq úı qulady
ASTANA. QazAqparat - Qytaıdyń Sychýan provıntsııasynda jer silkindi, dep habarlaıdy RIA Novostı.
6,5 baldyq jer silkinisi jergilikti ýaqyt boıynsha 21.19-da tirkelgen. Keıin Qytaı seısmologııalyq ortalyǵy jer silkinisiniń kúshi 7 baldy quraǵandyǵyn habarlady.
Basylymnyń habarlaýyna qaraǵanda, tabıǵat apatynan shamamen 2 myń adam bar qonaq úı ishinara buzylǵan. 500 adam qaýipsiz jerge shyǵarylǵan. Qutqarý jumystary júrip jatyr. Qatty jer terbelisinen keıin joldar búlinip, qatynas nasharlaǵan.
QHR tóraǵasy Sı Tszınpın tıisti organdarǵa adamdardy qutqarý jáne apat saldaryn azaıtý úshin barlyq múmkindikterdi paıdalanýǵa tapsyrma berdi.
