Qytaıdaǵy jer silkinisi Taraz ben Shymkentte sezildi

TARAZ. QazAqparat - Taraz turǵyndary oshaǵy Qytaı aýmaǵynda bolǵan jer silkinisin sezdi.

«QR BǴM ǴK STÁE» MM seısmıkalyq stansasynyń aqparatynsha, 19 qarashaǵa qaraǵan túni, Astana ýaqytymen saǵat úshter shamasynda Shyńjan (Sıntszıan) provıntsııanyń ońtústik bóliginde 10 km tereńdikte qýattylyǵy 4 baldyq jer silkinisi boldy.

Úsh saǵattan keıin aımaqta 1 km tereńdikte 4,5 balldyq jer dúmpýi tirkeldi. Onyń oshaǵy Almatyǵa júzdegen shaqyrym jaqyndaý, ońtústik shyǵysqa qaraı 264 shaqyrym jerge yǵysty.

3 baldyq jer silkinisi Shymkent pen Tarazda sezildi.

Eske sala keteıik, 17 qarashada oshaǵy Almatydan ońtústik-batysqa qaraı 495 km jerde Qyrǵyzstan aýmaǵynda ornalasqan 6,3 magnıtýdaly jer silkinisi Shymkent pen Tarazda qýattylyǵy 3 ball jerasty dúmpýin týdyrdy.

Jambyl oblystyq TJD aqparatynsha, Jambyl aýmaǵynda ǵımarattardyń buzylýy men adamdardyń japa shegýi tirkelmedi.