Qytaıdaǵy jer silkinisi 617 adamnyń ómirin jalmaǵan
BEIJІŃ. Sáýirdiń 15-i. QazAqparat /Rýslan Súleımenov/ - Qytaıdyń soltústik-batys provıntsııasy Tsınhaıda jer silkinisiniń nátıjesinde qaza tapqandardyń sany 617 adamǵa jetti.
313 adam iz-túzsiz joǵalǵan, 10 000-nan asa adam jaraqattanǵan, túndi ashyq aspan astynda ótkizýge májbúr myńdaǵan jergilikti turǵyndar baspanasyz qaldy.
Qytaı basshylyǵy zilzaladan japa shekkenderdiń ómirin qutqarý men kómek kórsetýde barlyq kúsh-jigerdi jumyldyrýǵa shaqyrdy. QHR Memkeńesi vıtse-premer Hýeı Lıanıýıdiń basshylyǵymen jer silkinisi bolǵan jerde shtab-páter qurdy. Munan basqa Qytaı qarjy mınıstrligi zilzala aýdanynda zardap shekkenderge jedel járdem berý úshin 30 mıllıonǵa jýyq AQSh dollaryn bóldi.
