Qytaıdaǵy jer silkinisi: 60 myń adam qaýipsiz jerge kóshirildi

ASTANA. QazAqparat - Qytaıdyń Sychýan provıntsııasynda bolǵan qatty zilzaladan zardap shekkenderdi izdeý-qutqarý jumystary táýlik boıy júrgizilip jatyr. Qytaı bıligi qaýipti aýmaqtan 60 myńnan asa adamdy kóshirdi, dep habarlaıdy TASS.

Tabıǵat apaty bolǵan aýmaqta taǵy da jer silkinisiniń qaıtalanýy múmkin ekendigi eskertildi. Alaıda buǵan qaramastan qutqarýshylar men áskerıler jumystaryn jalǵastyryp jatyr. Olar jabylyp qalǵan joldardy ashyp, jol qatynastaryn retteýde.

Eske sala keteıik, Sychýan provıntsııasynda jergilikti ýaqyt boıynsha 21.19-da 6,5 baldyq jer silkinisi tirkelgen. Tabıǵat apatynan shamamen 2 myń adam bar qonaq úı ishinara buzylǵandyǵyn habarlaǵan bolatynbyz.