Qytaıdaǵy jarylystan zardap shekkender sany 400-ge jetti, 7 adam mert boldy
ASTANA. QazAqparat - Qytaıdyń shyǵysyndaǵy Tıantszın qalasynda qaýipti zattary bar konteınerdiń jarylýynan bolǵan órtti óshirýge 100-ge jýyq órt sóndirý kóligi jiberildi, dep habarlaıdy CCTV telearnasy.
Logıstıkalyq kompanııaǵa tıesili qaýipti zattary bar konteıner sársenbi kúni saǵat 23.30 shamasynda eki ret qatarynan jarylǵan. Jarylys saldarynan kóptegen turǵyn úıler, kólikter zardap shekken.
"Jenmın jıbao" basylymynyń habarlaýynsha, oqıǵa saldarynan 7 adam ajal qushqan, "People's Daily" basylymy 300-400 adamnyń zardap shekkenin habarlaýda.
