Qytaıdaǵy jarylystan qaza tapqandardyń sany 85 adamǵa jetti
ASTANA. QazAqparat - Qytaıdyń Tıantszın qalasynda hımııa zaýytyndaǵy jarylys saldarynan qaza tapqandardyń sany 85 adamǵa jetti. Bul týraly Xhinua agenttiginen habarlaıdy.
Sársenbi kúni jergilikti ýaqyt boıynsha saǵat 23:30-da qalanyń ónerkásip aımaǵynda tolqyny birneshe shaqyrym jerde sezilgen kúshti jarylys boldy. Shamamen jarty mınýttan soń ekinshisi oryn alǵan. 2 shaqyrym qashyqtyqtaǵy úılerde terezeleri synyp, keńse ǵımarattary buzyldy, myńdaǵan kólik órtendi. Juma kúni qutqarýshylar Qytaı shyǵysynyń Tıantszın qalasyndaǵy qoımada bolǵan jarylystan keıin tiri qalǵan bir adamdy úıindiniń astynan alyp shyqty. Tıantszınde oryn alǵan apattan keıin 3,5 myńnan astam adam dalada túneýge májbúr.
