Qytaıdaǵy jarylysqa kúdikti birneshe adam ustaldy

Qytaıdyń ońtústik-batysynda ornalasqan Sychýan provıntsııasyndaǵy hımııalyq kásiporynda bolǵan jarylys isi boıynsha birneshe kúdikti ustaldy, dep habarlaıdy Sınhýa agenttigi.

Keleńsiz jaǵdaı ótken beısenbide keshki saǵat 18:00-de Ibın qalasynyń Tszıanan ýezdindegi ıAnchýn ındýstrıaldyq parkiniń ǵylymı-tehnıkalyq kompanııasynda bolǵan.

Bul apat jaıly budan buryn habarlanǵan edi. Jarylys saldarynan 19 adam qaza taýyp, taǵy 12 adam jaraqat aldy. Olardyń aqparatyna sensek, zardap shekken 12 adamnyń ómirine qaýip tónip turǵan joq.

Jergilikti bılik búgin tańerteń jarylys saldarynan tutanǵan órttiń sóndirilgenin málimdedi.

 QHR Tótenshe jaǵdaılardy basqarý mınıstrligi jarylys sebepterin anyqtaý úshin oqıǵa ornyna arnaıy top jiberdi.