Qytaıdaǵy jarylys: Saqtandyrý tólemderi 1,5 mlrd dollarǵa jetýi yqtımal
ASTANA. QazAqparat - Qytaılyq Tıantszın qalasynyń portynda oryn alǵan birneshe jarylystyń saqtandyrý shyǵyndary bir jarym mıllıard dollarǵa jetýi múmkin.
Qytaılyq BAQ habarlamalarynyń negizinde jasalǵan shveıtsarııalyq Credit Suisse bank taldaýshylarynyń baǵalaýynsha, naqty somany aıtýǵa áli erterek. Tek birneshe iri saqtandyrý kompanııalary shyǵynnyń ornyn toltyratyny anyq, dep habarlady dúısenbi, 17 tamyzda Reuters agenttigi.
Qutqarý jumystaryna úsh myńǵa jýyq adam jumyldyryldy. Sarapshylar jaqyn mańdaǵy ózenderde tsıanıd normadan 24 ese artqanyn aıtýda. Qytaılyq BAQ derekterine súıensek, qoıma úı-jaıyn jalǵa alýshy kompanııa portta qaǵıdada ruqsat etilgenge qaraǵanda, 30 ese kóp natrıı tsıanıdin saqtaǵan.
Apat sebebi ázirge anyqtalǵan joq.
