Qytaıdaǵy jarylys: 19 adam qaza tapty

ASTANA. QazAqparat -Qytaıdyń ońtústik-batysynda ornalasqan Sychýan provıntsııasyndaǵy hımııalyq kásiporynda bolǵan jarylysqa baılanysty birneshe kúdikti ustaldy, dep habarlaıdy Sınhýa agenttigi. Qytaıdyń Sychýan provıntsııasyndaǵy óndiris parkteriniń birinde jarylys bolyp, arty órtke ulasty. Oqys oqıǵa saldarynan 19 adam qaza tapty, dep habarlaıdy QazAqparat Sınhýa agenttigine silteme jasap.

Oqıǵa Ibın qalasynyń Tszıanan ýezindegi óndiris aımaǵynda, beısenbi kúni 18:30-da bolǵan. Jarylys saldarynan 19 adam qaza taýyp, taǵy 12 adam jaraqat alǵan. Osy apatqa baılanysty kúdikti birneshe adam ustaldy.

Jergilikti bılik búgin tańerteń jarylys saldarynan tutanǵan órt sóndirilgenin málimdedi. Olardyń aqparatyna sensek, zardap shekken 12 adamnyń ómirine qaýip tónip turǵan joq.

Oqıǵanyń egjeı-tegjeıi tekserilip jatyr.