Qytaıdaǵy jańalyqtar álemdegi munaı baǵasy ósýine áser etti
ASTANA. QazAqparat - Qytaıdaǵy bankter úshin mindettelgen qor normasynyń 0,5 protsenttik pýnktke tómendeýi týraly habar munaı baǵasynyń kóterilýine oń áserin tıgizdi.
Máskeý ýaqytymen saǵat 07.21 jaǵdaı boıynsha naýryz fıýchersteriniń Brent markili munaı barreliniń quny 0,96% ósip, 54,68 dollarǵa jetti, dep habarlady RIA Novostı. Naýryz fıýchersteriniń WTI markili munaı barreliniń baǵasy 0,47% - 48,68 dollarǵa deıin ósti.
Qytaı halyq banki sársenbi kúni 5 aqpannan bankter úshin mindettelgen qor normasyn 0,5 protsenttik pýnktke tómendetý sheshimin qabyldaǵan. Osylaısha, qytaılyq bankter saqtaıtyn qarajat kólemi 20%-dan 19,5% deıin qysqarady.
Sarapshylardyń pikirinshe, ınvestorlar bul jańalyqty jyly qabyldady. Olardyń paıymynsha, bul shara eldiń ekonomıkalyq belsendiligi men energııaǵa degen suranysty retteıdi.
