Qytaıdaǵy vokzalda bolǵan lańkestikti shyńjań separatısteri uıymdastyrǵan
BEIJІŃ. QazAqparat - QHR bıligi eldiń ońtústik-batysyndaǵy Kýnmın qalasynyń temirjol vokzalynda bolǵan lańkestik oqıǵaǵa jaýapkershilikti shyńjań separatısterine artyp otyr.
Jergilikti bılik oryndarynyń málimetine qaraǵanda, Kýnmın qalasyndaǵy terrorıstik akti aldyn ala josparlanǵan jáne ony shyńjań separatısteri júzege asyrǵan.
Sońǵy málimet boıynsha, 29 adam mert bolǵan, 130-dan astamy jaraqattanǵan.
Eske sala ketsek, senbi kúni jergilikti ýaqyt boıynsha 21:00-de qarýlanǵan 10 adamnan quralǵan top Kýnmın qalasynyń temirjol vokzalyna shabýyl jasaǵan.
Polıtsııa olardyń beseýin óltirip, birneshe kúdikti adamdy ustady. Qazirgi ýaqytta tekserý amaldary júrgizilýde.
