Qytaıdaǵy Ulttyq merekege oraı demalys kúnderi poıyzdar 100 mln. astam jolaýshy tasymaldaıdy
ASTANA. QazAqparat - Qytaı temirjol korporatsııasynyń habarlaýynsha, sársenbide el temir joldaryndaǵy jolaýshylar aǵyny bir rette 1,6 mln. adamdy quraıdy, jeti demalys kúniniń ishinde Ulttyq merekeniń (1 qazan) qurmetine temirjol kóligimen 100 mln. astam jolaýshy júredi, ıaǵnı 10 paıyzdan astam ósim kútilip otyr.
Bul týraly Sınhýa habarlady.
Jolaýshylardy temir jol arqyly tasymaldaýdyń qarbalas kezi 1 qazanǵa tus keletini kútilip otyr. Onda jolaýshylar aǵyny bir rette 13,3 mln. adamdy quramaq, bul ótken jylǵy kórsetkishten 1,57 mln. adamǵa kóp, nemese 13,4 paıyz asady.
Jolaýshylardyń qajettilikterin qanaǵattandyrý úshin temirjol basqarmalary kóliktik qýattylyqty arttyrýdy kózdep otyr.
