Qytaıdaǵy temirjol apaty qurbandarynyń týystary shyndyqty talap etýde
BEIJІŃ. 28 shilde. QazAqparat /Rýslan Súleımenov/ - Qytaıda ótken senbi kúni Chjetszıan ýálaıatynda bolǵan temirjol apaty qurbandarynyń týystary men jaqyndary keshe, senbi kúni Venchjoý qalasynyń Ońtústik vokzalyna narazylyq sherýmen shyqty.
Olar úkimetten apattyń ashyq jáne anyq tekserilýin talap etýde.
Tótenshe oqıǵanyń shyn sebebien jarııa etýdi talap etken olar, úkimetti bolǵan oqıǵa úshin jaýap berýge shaqyrýda. Bul temirjol apatynyń sebebine qatysty biraz jaıttyń túıini sheshilmeı otyr.
«Sınhýa» agenttiginiń habarlaýynsha, apatqa Chjetszıandaǵy júrdek jol ýchaskesindegi dabyl jabdyǵy qurylǵysyndaǵy «aqaý» sebep bolǵan. Naızaǵaı túskennen keıin Venchjoý stansasyndaǵy dabyl júıesi «jasyldan» «qyzylǵa» aýyspaı qalǵan, nátıjesinde úlken jyldamdyqpen kele jatqan jolaýshylar poıyzy toqtap turǵan quramaǵa baryp soǵysqan. Buǵan deıin qytaı sheneýnikteri, apatqa naızaǵaı túskennen keıin poıyzdardyń biriniń toqtap qalýy sebep bolǵanyn málim etken edi. Apat ornynda qazir Qytaı Bas prokýatýrasynyń qyzmetkerleri jumys istep jatyr. Jáne búgin jaǵdaımen tanysý úshin Venchjoý stansasyna jumys saparymen Memlekettik keńes premeri Ven Tszıabao keledi.
Esterińizge sala keteıik, Hanchjoýdan Venchjoýǵa bara jatqan poıyz keri baǵytta júrip kele jatqan poıyzǵa soǵysqan bolatyn. Oqıǵa saldarynan tórt vagon relsten shyǵyp ketip, 30 metr bıiktikten qulaǵan. Sońǵy málimetter boıynsha, apat saldarynan 39 adam qaza bolyp, 192 adam jaralanǵan.
