Qytaıdaǵy suranystyń ósýine qaraı munaı baǵasy qymbattaı tústi

BAKÝ. QazAqparat – WTI markaly munaı fıýchersteri jýyrdaǵy shyǵyndardyń ornyn toltyrýǵa tyrysyp, barreline 80 dollardan joǵary kóterildi, al Brent baǵasy búgin sál tómendedi, dep habarlaıdy QazAqparat tilshisi.

Baký ýaqytymen saǵat 9:30-ǵa qaraı Londonnyń ICE Futures bırjasynda Brent markaly munaıdyń naýryz fıýchersteri baǵasy – barreline $86,03. Bul – aldyńǵy sessııanyń jabylý baǵasynan $0,09 (0,1%) tómen.

Nıý-Iork taýar bırjasynda (NYMEX) WTI markaly munaıdyń aqpan aıyndaǵy fıýchersteriniń baǵasy osy ýaqytqa deıin $0,11 (0,14%) ósip, barreline $80,66 deıin kóterildi.

AQSh-tyń etalondyq munaı markasy baǵasynyń ósýi iri munaı ımporttaýshy Qytaıdaǵy suranystyń odan ári qalpyna kelý úmitimen, sondaı-aq sheteldik satyp alýshylar úshin shıkizatty tartymdy etýge múmkindik bergen dollardyń álsireýimen baılanysty.

Beıjiń bıligi Qytaıda COVID vırýsynan qaıtys bolǵandar men aýyr jaǵdaılardyń sany qazirgi kezde qańtar aıynyń basynda baıqalǵan eń joǵary deńgeıden 70% tómen ekenin málimdedi, bul eldiń ekonomıkasy odan ári qalpyna keledi degen úmitti nyǵaıtty.

Foto: Andrey Rudakov/Bloomberg News