Qytaıdaǵy sý tasqynynan zardap shekkenderge qarajatty Dımash ózi aýdarmaǵan

ASTANA. QazAqparat - Qytaıdyń Hýnan provıntsııasynda bolǵan sý tasqynynan zardap shekkenderge aqshalaı kómekti Dımash Qudaıbergen óz qaltasynan aýdarmaǵan.

Bul týraly ánshiniń ákesi Qanat Aıtbaev óziniń Feısbýktegi paraqshasynda málimdedi, dep habarlaıdy QazAqparat.

«Men ózimiz jónindegi kóp jańalyqty baspasóz betinen bilemin... Dımash kórshi eldiń sý basqan aımaǵyna pəlen mıllıon aýdarypty degendi de jarııalapty. Ər eldiń salty basqa - Dımashtyń ónerine tənti qytaılyq fırma óz jerlesterine kómektesip, bizdiń balanyń atynan qarajat aýdarypty. (Dımash ol deńgeıge əzir jete qoıǵan joq.) Bizge de, ózderine de jaqsylyq jasaǵysy kelgen bolar...», - dep jazdy ánshiniń ákesi.

Belgili bolǵandaı, sý tasqynynan zardap shekkenderge qarajatty Dımashtyń atynan ánshiniń Qytaıdaǵy prodıýserlik kompanııasy BG Talent aýdarǵan.