Qytaıdaǵy sońǵy búrkitshiler - qazaqtar
ÚRІMJІ. QazAqparat -70 jastaǵy Qytaı qazaǵy Qaıym Shyńjań-Uıǵyr avtonomııaly ólkesindegi qar men muz festıvalin asyǵa kútken bolatyn. Qart búrkitshi saıatshylyq ónerdi 10 myń kórermen aldynda pash etti,-dep habarlaıdy Sınhýa.
Qaıym aǵasynyń kómegimen saıasatshylyq ónerdi 40 jasynda meńgergen eken.
«Búrkit - ol asyl qus, ıaǵnı kez kelgen adamǵa baǵyna bermeıdi. Aǵam qartaıǵan shaǵynda óziniń qusyn maǵan tapsyrdy»,-deıdi ańshy.
Búrkitter erekshe qorǵalatyn qustardyń tizimine engizilgen, sondaı-aq Qytaıda suńqarmen ańǵa shyǵýǵa tyıym salynǵan. Qaıymnyń ónerin kópshilikke kórsetýi úshin festıval uıymdastyrýshylary kóp kúsh-jiger jumsady.
«Adamdarǵa qazaqtyń búrkit salý dástúri óte unaıdy. Keıbireýleri meni janýarlarǵa qatygezdik tanytyp júr dep aıyptaǵan bolatyn. Alaıda árbir búrkitti otbasy múshesi retinde baǵýdamyn. Atap aıtqanda, nemerelerime qaraǵanda, qustarǵa kóp kóńil bólip júrmin»,-dep oıymen bólisti Qaıym.
Sońǵy birneshe jylda Qaıymda jeti qyran qusy bolǵan kórinedi.
«Jas qyrandy tárbıge alǵan kezde onyń qysqa deıin ósip jetilýi úshin jaqsy tamaqtandyramyn. Ańshy qustardy jattyqtyrýǵa qańtar aıy qolaıly. Jazda búrkitter kúsh-qaıratyn jınaıdy»,-dedi qart búrkitshi.
Osy oraıda ol jas qyrandy tárbılep shyǵýǵa ýaqyt qajet ekenin atap ótti.
Atap aıtqanda, búrkitter tórt jylǵa tarta merzimde qolda bolady, keıinnen olar tabıǵı túrde kóbeıýi úshin bosatylady.
Negizi, Qaıym osy kásipten paıda taýyp jatqan joq, biraq ta ol bul dástúrdi jalǵastyrý nıetimen jastarǵa úlgi bolyp otyr.
Búginde Shińgil aýdanynda 40 ańshy jáne 40 qyran bar. Qytaıdaǵy búrkitshilerdiń ortasha jasy 50-den asqan. Osy rette Qaıym qart ónerdiń osy túrin saqtap kele jatqan sońǵylardyń biri bolýy múmkin ekenine alańdaýly.
