Qytaıdaǵy shahtada gaz atqylap, 12 adam opat boldy
ASTANA. QazAqparat - Tszılın provıntsııasynyń Týnhýa okrýgindegi shahtada gazdyń atqylaýy saldarynan 12 adam qaza tapty, dep habarlady dúısenbi kúni Sınhýa.
Agenttiktiń málimetterinshe, oqıǵa jeksenbi kúni kúndiz Baıshan qalasynda oryn alǵan. Sol kezde jerdiń astynda 700-den astam adam bolǵan.
Oqıǵadan keıin 692 kenshi shahtadan kóterilip úlgergen, taǵy 13-i jerdiń astynan shyǵa almaı qalǵan. Sonyń ishinde 12-si qaza tapty. Tiri qalǵan shahter aýrýhanaǵa jetkizildi, onyń jaǵdaıy turaqty dep baǵalanyp otyr.
Qutqarý operatsııasyna 316 adam, jedel járdem qyzmetiniń 11 kóligi, 46 medıtsınalyq qyzmetker tartyldy. Qazirgi kezde izdeý-qutqarý is-qımyldary aıaqtaldy, bolǵan oqıǵanyń sebepterin tergeý amaldary júrgizilip jatyr.
