Qytaıdaǵy Ortalyq Azııa halyqtarynyń derektanýyna keńestik shyǵystanýshylardyń yqpaly zor
ALMATY. 23 shilde. QazAqparat - Qytaıdyń erte jáne orta ǵasyrlardaǵy 24 dınastııasynyń tarıhy olar kúıregennen soń jazylyp, 1 ǵasyrdan soń qazirgi dáýirge deıin qaıta redaktsııalaýlardan ótip turǵan. Qytaıtanýshy Klara Hafızovanyń aıtýynsha, aspanasty elindegi eń alǵashqy tarıhı muraǵat Beıjińde qurylǵan.
Onda negizinen Mın jáne Tsın dáýirlerindegi (XV-XIX ǵasyrlar) qujattar jınalǵan. Al ekinshi tarıhı muraǵat Nankınde ornalasqan. Ondaǵy materıaldardyń kópshiligi Qytaı Respýblıkasynyń HІH ǵasyrdyń sońy men HH ǵasyrdyń basyna deıingi ýaqytty qamtıdy. Qytaıdyń Ortalyq Azııa halyqtary týraly budan ózge Gýgýndaǵy Taıbeı mýzeıinde, Beıjiń men Sıshandaǵy Qytaı kommýnıstik partııasy muraǵatynda, Úrimshidegi Shyńjań provıntsııalyq muraǵatynda, Lanchjoýdaǵy Gansý provıntsııalyq muraǵatynda jáne Chendýdaǵy Bıshý shanchjýan ımperatorlyq jazǵy rezıdentsııasy muraǵaty men mýzeıinde saqtalǵan. Ondaǵy Ortalyq Azııa halyqtarynyń derektanýyna keńestik shyǵystanýshylardyń yqpaly zor.
«Qytaı tarıhnamasy HH ǵasyrdyń sońynda ǵana derektaný men tarıhnamanyń zamanaýı deńgeıine jaqyndady. Degenmen, ol áli kúnge deıin feodaldyq tarıhnamadan alysqa uzap ketken joq.Jalpy Shyńjań tarıhy jáne onyń qazirgi jaǵdaıy Qytaıdyń shekaralas aýdandaryndaǵy eń kókeıkesti taqyryby bolyp otyr. Ol Tıbetpen teń dárejede bolýy da múmkin», - deıdi Abaı atyndaǵy Qazaq ulttyq pedagogıka ýnıversıtetiniń oqytýshysy, tarıh ǵylymynyń doktory Klara Hafızova.
