Qytaıdaǵy orman órtin sóndirýge 2 myń adam jumyldyryldy

BEIJІŃ. QazAqparat – Qytaıdyń ońtústik-batysyndaǵy Sychýan provıntsııasynda osy kúnderi órshigen orman órtimen kúreske 2 myńnan astam adam attandyryldy, dep habarlaıdy «QazAqparat» HAA menshikti tilshisi.

Jergilikti BAQ málimetine súıensek, orman órti Sychýan provıntsııasynyń Lıanshan-Iısk avtonomdy okrýgindegi Mýlı ýezinde 28 naýryz kúni bastalyp, 15 gektarǵa jaıylyp úlgerdi.

Dúısenbi kúni keshke tilsiz jaý 800 myń turǵyny bar Sıchan qalasyna jaqyndaǵan. Osyǵan oraı jergilikti bılik tótenshe jaǵdaıǵa áreket etýdiń joǵary dárejesin engizdi. Jalynmen kúreske 2 myńnan astam adam jumyldyryldy. Onymen qosa, orman órtin sóndirý úshin jasandy jaýyn-shashyndar shaqyrylatyn bolady.

Eske salaıyq, bir jyl buryn Sychýan provıntsııasynyń Lıanshan-Iısk avtonomdy okrýgindegi Mýlı ýezinde tutanǵan orman órtimen kúres kezinde 30 órt sóndirýshi qaza boldy.