Qytaıdaǵy nóser jańbyr: 70 myń adam qaýipti aımaqta qaldy

BEIJІŃ. Sınhýa-QazAqparat – Ortalyq Qytaıdyń Hýnan provıntsııasynda 70 myńnan astam adam qatty nóser jańbyr men iri sý tasqyny paıda bolý qaýpi saldarynan qaýipti aımaqta qalyp qoıdy. Bul týraly senbi kúni Sınhýa agenttigi málim etti, dep habarlaıdy QazAqparat.

Agenttik málimetinshe, óńirdiń 18 qalasy men aýdanynda nóser jańbyr jaýǵan. Qutqarý qyzmeti 1,8 myń turǵyndy evakýatsııalady. Jergilikti meteorologııalyq qyzmettiń habarlaýynsha, keı ózenderde sý deńgeıi 1-6 m-ge deıin kóterilgen.

Provıntsııa ákimshiligi turǵyndarǵa iri sý qoımalarynyń janyna jáne yldı jerlerge jolamaýǵa keńes beredi. Tótenshe jaǵdaılarǵa dereý jaýap berý jedel qyzmeti eń qaýipti jerlerdi baqylaýǵa aldy. Sonymen birge tabıǵı apattyń aldyn alý jumystary júrgizilýde.