Qytaıdaǵy meshitte 14 adam mert boldy
ASTANA. 6 qańtar. QazAqparat - Qytaıdyń Nınsıa-Hýeısk avtonomdyq aýdanyndaǵy meshitke halyq ádettegiden kóp jınalyp 14 adam qyspaqtyń ishinde qalyp qurban boldy, dep habarlaıdy memlekettik BAQ. Atalǵan qaıǵyly jaǵdaı kezekti dinı shara kezinde oryn alǵan.
Gýıýan qalasyndaǵy meshitte dindarlar kelýshilerge dástúrli taǵamdardy taratý kezinde tártipsizdik oryn alyp nátıjesinde biraz adam zardap shekken.
Adamdardyń birin-biri basyp janshýy saldarynan 10 adam ártúrli jaraqat alyp, onyń tórteýi óte aýyr halde jergilikti aýrýhanaǵa jetkizildi. Bıliktegiler bolǵan jaǵdaıǵa qatysty tergeý jumystaryn bastap ketti.
Nınsıa-Hýesk avtonomdyq aýdany Shyńjań-Uıǵyr avtonomdyq aýdany sııaqty qytaı musylmandary tyǵyz ornalasqan aımaq bolyp sanalady. Bul óńirde 2 mln. asa musylman turady.
