Qytaıdaǵy marafonda myńdaǵan adam jaraqattandy
ASTANA. QazAqparat - Qytaılyq Gýandýn provıntsııasynyń Tsınıýan qalasynda 20 naýryzda 20 myń adamnyń qatysýymen jyl saıynǵy marafon ótti.
Jarysta alynǵan jaraqattar kóp boldy. Bul joly qatysýshylarǵa hosh ıisti sabyn berdi.
Qytaılyq BAQ habarlaǵandaı, bıyl marafon kezinde 12 208 qatysýshyǵa medıtsınalyq kómek kórsetildi. Kóbiniń (9 838 adam) sińiri tartylýdan, taǵy 1743 marafonshy býyny taıýdan, 194 adam qulaǵan kezde jeńil jaraqat alýdan zardap shekti. 20 adam esinen tanyp, 107 adam jaǵdaıy nasharlaǵandyqtan jarystan bas tartty. Jedel járdem kólikteri 23 ret japa shegýshilerdi alyp ketti.
