Qytaıdaǵy koronavırýs poıyzben júk tasymaldaýǵa esh áser etpeıdi - Qaırat Saýyrbaev
«Bul másele negizinde jolaýshylar tasymaldaýǵa qatysty. Biz jolaýshylardyń qaýipsizdigin qamtamasyz etýimiz kerek. Osy maqsatta QTJ-da arnaıy shtab quryldy. Bizde Qytaıǵa baratyn eki poıyz bar. Biz jolaýshylardyń da, qyzmetshilerdiń de qaýipsizdigin qamtamasyz etý sharalaryn uıymdastyramyz. Al júk tasymaldaýǵa qatysty eshqandaı másele joq», - deıdi Qaırat Saýyrbaev.
Ol mınıstrlikke Qytaıǵa baratyn jolaýshylar poıyzdaryn ýaqytsha toqtatý týraly usynys aıtylyp otyrǵanyna toqtaldy.
«Dostyq» jáne «Altyn kól» stantsııalarynan Qytaıǵa qaraı eki poıyz júredi. Biz mınıstrlikke jolaýshylardyń az bolýyna baılanysty poıyzdy ýaqytsha toqtata turý týraly usynys aıttyq. Mendegi málimet boıynsha, «Dostyq» stantsııasynan 8-9 adam otyrsa, «Altyn kól» stantsııasynan 35-36 adam otyrady. Osy sebepti eki jolaýshylar poıyzyn ýaqytsha toqtatqymyz keledi«, - deıdi ol.
