Qytaıdaǵy kómir shahtasynda bolǵan jarylystan kóz jumǵandar sany 33 adamǵa jetti
ASTANA. QazAqparat - Qytaıdyń ońtústik-batysyndaǵy kómir shahtasynda bolǵan jarylystan 33 kenshi mert boldy, izdestirý-qutqarý jumystary toqtatyldy, dep habarlaıdy CCTV telearnasy.
RIA Novostıdiń jazýynsha, alǵashynda 15 adamnyń qaza tapqany habarlanǵan edi. Oqıǵa dúısenbi kúni jergilikti ýaqytpen tańǵy 11:30-da Chýntsın mýnıtsıpalıteti Laısý qalasyndaǵy jeke kómir shahtasynda bolǵan. Jarylys kezinde jer astynda 35 adam bolǵan, onyń ekeýi jer ústine shyqty. «Jarylys bolǵan Chýntsın kómir shahtasyndaǵy izdestirý-qutqarý jumystary toqtatyldy. Barlyq 33 kenshiniń denesi shahtadan kóterildi», - delingen telearna habarlamasynda.
