Qytaıdaǵy kómir shahtasynda bolǵan apat bes adamnyń ómirin qıyp ketti
ASTANA. QazAqparat - Anhoı provıntsııasyndaǵy jer astyndaǵy alapat sý aǵyny saldarynan bes adam qaza tapty, taǵy ekeýi iz-túzsiz joǵalǵan dep eseptelýde, dep habarlady Sınhýa agenttigi.
Oqıǵa Sýchjoý qalasyndaǵy ıÝntsıao aýdanynda "Hýaıbeı" taý-ken óndirisi kompanııasynyń ıeligindegi "Chjýsıanchjýan" kómir shahtasynda oryn alǵan. Apat kezinde jer astynda 34 kenshi bolǵan. Solardyń 27-si syrtqa shyǵa aldy, al qalǵan jeteýi jer astynda qalǵan.
Senbi kúni tańǵy saǵat 08:00-degi jaǵdaı boıynsha qutqarýshylar bes adamnyń múrdesin tapty, jer astynda qalyp qoıǵan taǵy eki adam izdestirilýde. Apat sebepteri anyqtalýda.
