Qytaıdaǵy keme apatynan qurban bolǵandardyń sany 430 adamnan asty
ASTANA. QazAqparat - Qutqarýshylar Qytaıda batyp ketken «Shyǵys juldyzy» krýızdik kemede bolǵan 431 jolaýshynyń múrdesin anyqtady. Taǵy 11 adam iz-tússiz joǵalǵan dep eseptelýde.
Apat kezinde kemede 456 adam bolǵan edi. Olardyń ishinde n nebári 14 adamdy qutqarý múmkin bolǵan, dep jazady VVS.
Qytaıdyń bılik kózderi qaza tapqandardyń otbasylary úshin qoldan keletinniń barlyǵyn jasap otyrǵanyna sendirýde, atap aıtqanda, olar úshin tegin turý men medıtsınalyq kómek kórsetý oryndary uıymdastyrylǵan. Sondaı-aq bılik kózderiniń habarlaýynsha, keıbir múrdelerdiń tulǵalaryn anyqtaý úshin DNK-zertteýin ótkizý qajet bolyp otyr.
Týrıstik keme Nankınnen Chýntsınge kele jatqan, onda bolǵan barlyq jolaýshylar - Qytaı azamattary, bul negizinen gıdroelektrstansalar kesheni salynǵan Úsh shatqal aýdanyna bara jatqan 50 men 80 jas aralyǵyndaǵy zeınetkerler edi.
Aldyn ala boljam boıynsha, keme kenetten soqqan daýyl saldarynan oryn aldy.
