Qytaıdaǵy keme apaty: 6 adam joǵalyp ketti

HAIKOÝ. Sınhýa-QazAqparat – Qytaıdyń ońtústiginde «Nangka» taıfýnynyń áserinen bolǵan apattan qum tasýshy keme ekıpajynyń alty múshesi iz-túzsiz joǵalyp ketti, dep habarlaıdy QazAqparat Sınhýa agenttigine silteme jasap.

10 ekıpaj múshesi mingen qum tasıtyn keme 20:00 shamasynda aýdarylyp ketken. Ol Qytaıdyń ońtústigindegi Gýandýn provıntsııasynyń Gýanchjoý qalasyna baǵyt alǵan. Bul týraly Qytaıdyń ońtústigindegi Haınan provıntsııasynyń ákimshilik ortalyǵy Haıkoý qalasyndaǵy «Sansha» teńizindegi qutqarý ortalyǵy habarlady.

Qutqarýshylar zardap shekken tórt adamdy alyp shyqqan, qalǵan altaýy joǵalyp ketken.

Qutqarý kemesi oqıǵa ornyna keldi. Biraq ol qatty jel men teńizdegi alapat tolqyn saldarynan batyp bara jatqan kemege jaqyndaı almady.

Qutqarý jumystary jalǵasýda. Joǵalǵandar izdestirilip jatyr.

Bıyl qatarynan 16 ret bolǵan «Nangka» taıfýny seısenbi kúni saǵat 19:20 shamasynda 90 km/saǵ jyldamdyqpen Haınan provıntsııasynyń Tsıýnhaı qalasyna jetti.