Qytaıdaǵy keme apaty: 11 adam qutqaryldy, 7-eýi iz-túzsiz joǵalǵan

HANChJOÝ. Sınhýa-QazAqparat – Qytaıdyń shyǵysyndaǵy Chjetszıan provıntsııasyna jaqyn jerdegi aıdynda balyq aýlaıtyn keme sýǵa batyp ketti . 11 adam qutqaryldy, jeteýi joǵalyp ketken, dep habarlady Sınhýa agenttigi jeksenbide jergilikti bılikke silteme jasap.

Aýyl sharýashylyǵy jáne aýyl isteri provıntsııalyq departamentiniń málimeti boıynsha, keme senbi kúni keshki 8-der shamasynda Chjoýshan qalasynan shyǵysqa qaraı shamamen 180 teńiz mıli qashyqtyqta sýǵa batqan.

Qazirgi ýaqytta 11 adam qutqaryldy, 7 adam ushty-kúıli joǵalyp ketti.

Oqıǵa bolǵan jerde izdeý-qutqarý jumystaryn júrgizýge 26 keme jumyldyryldy.

Keleńsiz jaǵdaıdyń sebepteri anyqtalyp jatyr.