Qytaıdaǵy qazaqtar «Baýyrsaq Talk» atty jańa medıa jobany damytýda
Sharany qytaıdaǵy qazaqtar arasynda keń tanymaldyqqa ıe Shyńjań-Uıǵyr avtonomııalyq aýdanynyń teleradıo kesheni janyndaǵy vıdeorolıkterdi taratý jónindegi Bawrsak ınternet-tuǵyrnamasy, sonymen qatar qytaı tilindegi mıkroblogtar arasynda qazaq mádenıetin nasıhattaıtyn «Saq taıpasy» blogy (Sakh Taypasi, Sake Buluo) uıymdastyrǵan.
Kórermenniń basym bóligi Qytaı elindegi qazaq dıasporasynyń jastary quraǵan sharada úsh spıker qytaı tilinde sóz arnady. Olar: Tsınhýa ýnıversıtetiniń túlegi, QHR-daǵy iri farmatsevtıkalyq kompanııalardyń biriniń óńirlik dırektory, qazaqstandyq Baıan Qońyrbaev, sandyq tehnologııa jáne robot tehnıkasy jónindegi maman Batyr Maqabyluly, avstrııalyq banktiń beıjińdegi fılıaly dırektorynyń orynbasary Rıza Raıymbekqyzy.
«Bul joba tabysty adamdardyń ózgelermen, eń birinshi kezekte jastarmen tájirıbelerin bólisip, jınaǵan bilimin ózgelerge úıretýge, olarǵa úlgi-ónege kórsetýge baǵyttalǵan», - dedi QazAqparat tilshisine suhbat bergen Bawrsakh Talk jobasynyń júrgizýshisi, QHR ShUAA teleradıo kesheniniń janyndaǵy Bawrsak ınternet-tuǵyrmasy qazaq redaktsııasynyń ókili Janbolat Makeıuly.
Onyń atap ótýinshe, «Baýyrsak Talk» jobasy alǵash ret 2017 jyldyń 29 naýryzynda Úrimshi qalasynda ótken.
Bawrsak ınternet-tuǵyrnamasy qytaı úkimeti tarabynan qoldaýǵa ıe bolyp otyr jáne «Bir beldeý, bir jol» strategııasy aıasynda júzege asyrylýda.
