Qytaıdaǵy Qazaqstan dıplomattarynyń otbasylary evakýatsııalandy - mınıstr

NUR-SULTAN. QazAqparat – QR Syrtqy ister mınıstri Muhtar Tileýberdi Qytaı aýmaǵynda qalǵan Qazaqstan azamattary týraly aıtyp berdi, dep habarlaıdy QazAqparat tilshisi.

«Erteń Ýhannan eki azamat elge oralady. Ýkraınanyń ushaǵy bar, olar ózderiniń azamattaryn alyp ketýge barǵanda , bizdiń eki azamatymyzdy da qosa ala keledi. Osy oraıda Almatyda tehnıkalyq aıaldap, bizdiń azamattardy túsirip, ary qaraı Kıevke ushady», - dedi M. Tileýberdi Parlament Májilisinde tilshiler saýalyna jaýap bere otyryp.

Sonymen qatar mınıstr QHR aýmaǵynda qyzmet etip júrgen Qazaqstan dıplomattary týraly aıtyp berdi.

«Olardyń otbasylaryn evakýatsııaladyq. Onda tek otaǵasymen birge qalýǵa nıet bildirgen otbasylar ǵana qaldy. Atap aıtqanda, dıplomattar, barlyq mekemeler shtattyq rejimde jumys isteýde», - dep naqtylady vedomstvo basshysy.