Qytaıdaǵy qazaq jastary Qazaqstanda oqý úshin kóptep ótinim berip jatyr – SІM

NUR-SULTAN. QazAqparat – Qytaı etnıkalyq qazaqtardyń Qazaqstanǵa ótýine ruqsat berdi. QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Qytaıdyń saıası tárbıeleý lagerlerindegi etnıkalyq qazaqtardyń sanyn naqty aıta almaımyn. Biraq buǵan deıin de aıtqanymyzdaı, jaqsy tendentsııa bar. Biz birneshe kelissózder ótkizdik. Tipti Syrty ister mınıstrleri deńgeıinde kezdesý ótti. Óte sátti sapar bolyp, qytaılyq tarap ta quptady. Qazir Qazaqstanǵa ketkisi kelgender vıza alyp, qujattarymen emin-erkin ótip jatyr. Onyń ústine qazir qazaqstandyq joǵary oqý ornyna túsý naýqany júrip jatyr. Qytaıdan talapker qazaqtar elimizdiń oqý oryndaryna kóptep kelýde. Bizdiń Úrimjidegi konsýldyq qyzý jumys ústinde. Olarǵa óte kóp ótinimder túsýde. Ol qujattardyń ýaqytynda óńdeýge tyrysamyz», - dedi Aıbek Smadııarov.