Qytaıdaǵy qazaq jastary arasynda atpen toıserýenge shyǵý sánge aınalyp keledi - FOTO

ASTANA. QazAqparat - Umyt bola bastaǵan salt-dástúrdi qaıta jańǵyrtý maqsatynda Qytaıdaǵy qazaq jastarynyń atpen toıserýenge shyǵyp, qyzdyń jasaý-jabdyǵyn túıeli kóshpen shyǵaryp salýy sánge aınalyp barady. Bul týraly Xalhar.net saıtyna silteme jasaı otyryp Massaget.kz jazady.

Búginde qazaq arasynda toı tek shańyraq kóterip, otaý tigý nemese qyz uzatý emes, básekege, mal shashpaqtyqqa, orynsyz shyǵynǵa aınalyp ketkeni belgili. Dál osy úrdiske qarsy bul toı ıeleri áıgili kólik minip, sán-saltanatqa berilmeı, qazaqtyń qaımaǵy buzylmaǵan asyl qasıetterin ulyqtaý úshin 50 atqa minip, túıe qomdap, júk artyp, qazaqqa ǵana tán ulttyq sánimen toı rásimin atqarǵan.

Eskerer taǵy bir jaıt, toı saltyn bulaı atqarý birinshi ret bolyp otyrǵan joq. Osyǵan deıin de Qytaıdaǵy ǵalamtor qoldanýshylary ortasynda úlken dúmpý týǵyzǵan taǵy bir toı ótken bolatyn. Jastarymyzdyń qulaǵyna altyn syrǵa, qazaqtyń keń dalasy men aýyldaǵy qazaqtyń búgingi qal-kúıi bul bastamaǵa suranyp turǵanyn aıta ketkimiz keledi.

Ekinshi toıdan kórinister: