Qytaıdaǵy qazaq boksshysyn Golovkınge uqsatatyndar kóbeıdi
ASTANA. QazAqparat - Qytaıdaǵy qazaq boksshysyn Golovkınge uqsatatyndar kóbeıdi. Bul týraly QazAqparat tilshisi Boxingmonthly.comsaıtyna silteme jasap habarlaıdy.
Osyǵan deıin qazaqstandyq dańyqty kásipqoı boksshy Gennadıı Golovkınge uqsaıtyn jáne uqsaǵysy keletinder elimiz de, kórshiles Reseıden de tabylǵan bolatyn. Endi álemdik BAQ Qytaıda turatyn qandasymyz Beısenbi Násıollaulyn Golovkınnen aýmaıdy dep tanystyryp jatyr.
Násıollauly Qanat Islam týǵan Qytaıdyń Altaı aımaǵy Qaba aýdanynda 1994 jyly dúnıege kelgen. Ol búgingi tańda birden kásipqoı boksta baǵyn synap, (11-0-1) jartylaı ortasha salmaqta Fılıppın, Taıland, Qytaı elderiniń sańlaqtaryn san soqtyryp, jankúıerlerdiń nazaryn ózine aýdara bastady.
Boxingmonthly.com saıty qazaq boksshysynyń Gennadıı Golovkınmen birge túsken sýretterin jarııalap, onyń bolashaǵy zor boksshy ekenin jazady.
