Qytaıdaǵy qaýipti aýrý: Beıjińde eki adam dertinen aıyqty
Jergilikti BAQ málimet boıynsha, ótken jumada «Jańa koronavırýstyq ınfektsııa» dıagnozy anyqtalǵan azamatsha Beıjińdegi aýrýhanalardyń birinde oqshaýlanǵan em alyp, saýyǵyp shyqty. 8 qańtar kúni qaýipti vırýstyń oshaǵy sanalatyn Hýbeı provıntsııasynan Beıjińge qaıta oralyp, ózin nashar sezingen. Ony qaıtadan aýrýhanaǵa jatqyzdy. Beıjińdegi Dıtan aýrýhanasynyń esebinde, dástúrli qytaı medıtsınasynyń emsharalary men batystyq dárilerdi qoldaný arqasynda áıel adamnyń jaǵdaıy jaqsardy.
Keńese kele, sarapshylar toby ulttyq standarttarǵa sáıkes ony emhanadan shyǵarýǵa bolady degen qorytyndyǵa keldi.
Aýrýynan aıyǵyp ketken ekinshi naýqas ta osy emhanada emdelgen. Senbi kúni ol medıtsınalyq mekemeden shyǵaryldy.
Burynyraq jergilikti BAQ Qytaı megapolısi Shanhaı qalasynda jańa koronavırýsty juqtyrǵan alǵashqy adam emdelip shyqqanyn habarlaǵan bolatyn.
Avtor:
Rýslan Súleımenov