Qytaıdaǵy qandasymyz teri shańǵyny qalaı jasaıtynyn aıtty

ASTANA. QazAqparat - Qytaıdyń Altaı aımaǵynda turatyn qandasymyz Silambek Saǵynyshuly qazaqtyń baıyrǵy teri shańǵysy qalaı jasalatynyn aıtyp berdi, dep habarlaıdy QazAqparat.

Ulttyq qundylyǵymyzdy ulyqtap júrgen qandasymyz bul týraly sol eldegi qazaq tildi «kazakh.people.com» saıtyna bergen suhbatynda aıtty.

Silambek Saǵynyshuly Altaıdyń Lasty aýyly Noǵaıty degen qystaǵynda turady. Bıyl paıǵampar jasynan asqan qandasymyz áli de kóne muramyzdyń otyn óshirmeı jalǵastyryp kele jatqanyn, sondaı-aq, arnaıy shákirt tárbıelep jatqanyn aıtady.

«Qazaqtyń baıyrǵy teri shańǵysy kezinde ár úıde bolǵan», - deıdi aqsaqal.

Tómendegi vıdeodan baıyrǵy qar shańǵysynyń qalaı jasalyp, qalaı paıdalanatyny týraly tolyq kórip, bilýge bolady.