Qytaıdaǵy qandasymyz kásipqoı bokstaǵy basty jekpe-jegin ótkizedi
ASTANA. QazAQparat - Qytaıda turatyn qandasymyz Elhat Nyǵmetolla 26 aqpan kúni kásipqoı bokstaǵy basty jekpe-jegin ótkizedi, dep habarlaıdy QazAqparat tilshisi.
Qandasymyzdyń laqap aty - Qazaq jaýyngeri. Jasy bıyl 23-te. Ol osyǵan deıin segiz ret sharshy alańǵa shyǵyp, áli birde-bir ret jeńilip kórmegen. Onyń basty jekpe-jegindegi qarsylasy taılandtyq boksshy Anýkýl Promkamsav bolmaq. Onyń jasy bıyl 29-da. Promkamsav 14 ret sharshy alańǵa shyǵyp, altaýynda qarsylasyn aıqyn basymdylyqpen jeńse, 9 kezdesýinde jeńilis tapqan. Qos boksshy asa jeńil salmaqta (118 fýntqa deıin - 53,5 keli) synǵa túsedi. Kezdesý alty raýndqa sozylady.
Osy oraıda aıta keteıik, Elhat Nyǵmetolla - belgili kásipqoı boksshy Qanat Islam dúnıege kelgen Shynjańdaǵy Altaı aımaǵy, Qaba aýdanynyń týmasy. Bul eldi mekende Qanattyń jolyn qýǵan ózge de qandastarymyz jeterlik.
