Qytaıdaǵy qandastarymyz qazaq tilinde kıno qosymshasyn shyǵardy
ASTANA.QazAqparat - Qytaıdaǵy qandastarymyz 20 myń saǵattyq qazaq tilindegi kıno qory bar «Bawrsak tv» ulttyq qosymshasyn shyǵardy, dep habarlaıdy QazAqparat tilshisi.
Shynjań radıo televızııa toraby jaýapkershiligi shekteýli seriktestigi (Qazaqstandyq iD TV - tsıfrlik teledıdardyń qytaılyq nusqasy) Qazaq bóliminiń basshysy Ulnur Nábıjanqyzynyń aıtýyna qaraǵanda, qosymshany paıdalanýshylar sany mıllıonnan asyp, qazaqsha telearna baǵdarlamalary, qazaq tiline aýdarylyp dýblıaj jasalǵan sheteldik kınofılmder men serıaldar, sondaı-aq, «Qazaqstan juldyzdary» aıdarymen aqyndar aıtysy vıdeolary júktelgen eken.
«Bawrsak tv» alǵash ret 2012 jyly bastap qoldanysqa engen. 5 jyl ýaqyttyń ishinde 30 aýdarma dýblıaj stýdııalarymen selbestik jasap otyrǵan jumys toby qosymshadaǵy qazaqsha mazmundy 20 myń saǵatqa deıin jetkizgen.
Baýrsaq qosymshasyndaǵy qazaqsha vıdeolardy qazaqstandyqtardyń da telefondary arqyly kórýge múmkindikteri bar. Qosymshany telefonnyń Android jáne iOS júıelerine júkteýge bolady. 
