Qytaıdaǵy iri BAQ robot-jýrnalısti jumysqa ornalastyrdy
ASTANA. QazAqparat - QHR-dyń iri buqaralyq aqparat quraly - «Sınhýa» memlekettik aqparat agenttigi juma kúninen bastap, shtatqa robot alynǵanyn habarlady. Onyń mindetine ekonomıkalyq jáne sport taqyrybyna materıaldar qurastyrý kiredi. Kompıýterlik baǵdarlama aqparvat agenttiginiń qurylǵanyna 84 jyl tolýy qarsańynda iske qosyldy, dep habarlady Nakedscience portaly.
Aqparattyq agenttik basshysy robot jýrnalısti tolyq aýystyra almaıdy, biraq ta jumys kúshin únemdeıdi jáne reportajdardyń tıimdiligi men dáldigin arttyrady, dep málimdedi.
Robot-jýrnalısti synaý ótken aıda boldy. Baǵdarlama Qytaı fýtbol sýperlıgasynyń oqıǵalaryn jarııalady. Sarapshylardyń baǵalaýynsha, robot qoıylǵan mindetti atqaryp shyqqan. Baǵdarlama jarystar nátıjeleri jáne reıtıngileri týraly málimetterdi qytaı jáne aǵylshyn tilinde jaza alady.
Aqparattyq agenttiktiń paıymdaýynsha, robot kóp keshikpeı «qor naryǵy, kompanııa kirisi jáne valıýtalar baǵamy» taqyryptaryn zerdelep, ekonomıkalyq jańalyqtardy da meńgermek.
