Qytaıdaǵy Іle qazaq avtonomııaly oblysy sý tasqyny apatynan saqtanýǵa belsendi daıyndaldy
ASTANA. Aqpannyń 23-i. QazAqparat /Núsipbek Rızabek/ - Qytaıdaǵy Іle qazaq avtonomııalyq oblysynyń qurylymdyq bólimsheleri eldi mekenderdiń tabıǵı apattardan saqtaný qyzmetine tapsyrmalar berip, tasqyn apatynan saqtanýǵa saqadaı saılandy,
dep habarlaıdy QazAqparat Sınhýa agenttigine silteme jasap.
Shynjań Іle ózeni alabyndaǵy aýanyń temperatýrasy sońǵy kúnderi kúrt jylyna bastady. Aqpannyń 20-sy men 21-i aralyǵynda Іleniń basym bóliginde tolassyz jańbyr jaýdy. Aýa raıyn boljaý ortalyǵynyń aıtýynsha, aldaǵy birneshe kúnde Іle ózeni alabynda taǵy da jaýyn-shashyn bolady. Aldaǵy aptada qar erip, ózenderde tasqyn júrýi múmkin. Qazir bul óńirdegi qardyń qalyńdyǵy 26-46 santımetr shamasynda.
Іle qazaq avtonomııaly oblysynyń memlekettik jer baılyǵy mekemesi jáne basqa da organdar qardyń kúrt erýinen bolatyn zardaptarǵa qarsy turý úshin eldi mekenderdiń saqtaný qyzmetterin jan-jaqty uıymdastyrdy.
