Qytaıdaǵy hımııa zaýytyndaǵy jarylys: qaza tapqandar bar
NUR-SULTAN. QazAqparat - Shyǵys Qytaıdyń Anhoı provıntsııasynda ornalasqan Benbý qalasyndaǵy hımııa zaýytynda jarylys bolyp, eki adam qaza tapty, dep habarlaıdy «QazAqparat» HAA «Sınhýa» agenttigine silteme jasap.
Habarlarǵa qaraǵanda, jarylys jóndelip jatqan zapastaǵy rezervýardyń ishinen shyǵa almaı qalǵan jumysshyny qutqarý kezinde bolǵan.
Oqys oqıǵa saldarynan jumysshy da, ony qutqarmaq bolǵan órt sóndirýshi de qaza tapty. Taǵy toǵyz adamdy kúıik shalǵan. Zardap shekkenderdiń barlyǵy Benbý aýrýhanasyna jetkizildi.
Jergilikti bılik jarylys sebepterin anyqtaýǵa jumystaryn júrgizip jatyr.
