Qytaıdaǵy halyqaralyq týrnır almatylyq voleıbolshylar úshin Azııa chempıonatyna daıyndyqtyń sońǵy kezeńi bolmaq
ALMATY. 18 shilde. QazAqparat /Erlik Erjanuly/ - Erler klýbtary arasynda Qytaıdyń Taısang qalasynda ótip jatqan halyqaralyq týrnır «Almaty» voleıbol klýby úshin daıyndyqty pysyqtaıtyn úlken synaq bolýda.
Olar bul jarysta Qytaı, Avstralııa jáne Irannyń ulttyq quramalarymen synǵa túsýde. Alǵashqy aınalymda jerlesterimiz Qytaı men Avstralııa sportshylaryna 3:0, al ırandyqtarǵa 3:1 esebimen ese jiberdi. Shildeniń 13-i kúni bastalǵan bul týrnırdiń ekinshi aınalymy endi Djeng Djang qalasynda jalǵasýda. Ol shildeniń 20-syna deıin sozylmaq. Odan keıin olar birden Indonezııaǵa attanady. Onda 23-31 shilde kúnderi klýbtyq Azııa chempıonaty bolady. Oǵan qurlyqtyń úzdik 12 komandasy qatysady. Qazaqstandyqtar ótken jylǵy klýbtyq Azııa chempıonatynyń chempıony atanǵan Iran men kúmis júldeger bolǵan Katar sportshylarymen bir topta synǵa túsedi. Bul topta sondaı-aq olardan bólek Túrikmenstan, Taıland jáne Mıanmy sportshylary da óz baqtaryn synaıtyn bolady.
