Qytaıdaǵy «Formýla-1» jarysynda «Mersedes» pıloty Hemılton bes orynǵa keıin jyljytyldy
ASTANA. QazAqparat -«Formýla-1» synybyndaǵy mashınalar jarysy boıynsha álem chempıonatynda «Mersedes» komandasynyń pıloty Lıýıs Hemılton avtomobıliniń berilis qorabyn aýystyrǵany úshin Qytaıdaǵy Gran-prı jarysyn bes orynǵa keıin bastaýy kerektigi jóninde jaza belgilendi. Bul týraly reseılik TASS agenttigi habarlaıdy.
«Mersedes» ókilderiniń málimdeýinshe, kóliktiń berilis qoraby aldyńǵy Bahreınde ótken álem birinshiliginiń Gran-prı jarysynda buzylǵan. Jarys erejesi boıynsha pılot bir berilis qorabyn alty jarys qatarynan aýystyrmaı paıdalanýy tıis. Osylaısha, Hemılton jarysty altynshy orynnan bastaıdy.
Sońǵy eki álem birinshiliginiń kezeńderinde Hemılton 33 upaımen ekinshi orynda keledi, ol komandasyndaǵy Nıko Rosbergten 17 upaı az jınaǵan.
Al kezekti Gran-prı Qytaıdyń Shanhaı qalasynda 15-17 sáýirde ótedi.
