Qytaıdaǵy eń baı adamnyń uly ıtine iPhone 7-niń segiz danasyn alyp berdi
ASTANA. QazAqparat - «Qurlyqtyq Qytaıdyń jyljymaıtyn múlik patshasy» Van Tszıanlınniń 28 jastaǵy uly Van Sıkong óziniń malamýt Koko esimdi ıtine segiz iPhone 7 telefonyn satyp alyp berdi.
Bul týraly qytaılyq BAQ-qa silteme jasap, Daily Mail habarlady.
Ittiń Weibo áleýmettik jelisindegi jeke akkaýntynda iPhone 7 satylymǵa shyǵarylǵan alǵashqy kúni-aq telefon qoraptarynyń sýretteri jarııalandy. Aıta keteıik, ıttiń atalmysh áleýmettik jelide 1,9 mıllıon oqyrmany bar.
Bir jyl buryn Van Sıkong óz ıtine árqaısysy 12 myń dollar turatyn eki Apple altyn saǵattaryn satyp alǵan bolatyn.
Van Sıkong tabysty bıznesmen jáne 30 jasqa deıingi qytaılyq eń baı kásipkerlerdiń biri bolyp tabylady.
