Qytaıdaǵy bastaýysh mektepterdiń birinde kúzetshi 40 adamdy pyshaqtap tastady
NUR-SULTAN. QazAqparat - Qytaıdyń Gýansı provıntsııasyndaǵy bastaýysh mektep kúzetshisi 40-qa jýyq adamdy pyshaqtap, jaraqattady. Bul týraly QazAqparat thepaper.cn silteme jasap habarlaıdy.
Oqıǵa búgin tańǵy 9-da bolǵan. 50 jastaǵy baýkespe bastaýysh mektepte kúzetshi bolyp istegen.
Máselemen tanys jergilikti turǵynnyń aıtýynsha, shabýyl saldarynan 40-qa jýyq oqýshy men oqytýshy zardap shekti.
Olardyń úsheýi, atap aıtqanda, bastaýysh mekteptiń dırektory, taǵy bir kúzetshi jáne oqýshy aýyr jaraqat aldy.
Mekteptiń kireberisinde kóp adam jınalyp, jedel járdem kólikteri kelip, balalardy aýrýhanaǵa jetkizip jatqany týraly birneshe beınerolık jelide taralyp jatyr.
Jergilikti turǵyndar jýrnalısterge zardap shekkenderdiń kópshiligi shamamen 6 jasqa deıingi, mektepke deıingi jastaǵy balalar ekenin aıtty.
Muhtar Murat