Qytaıdaǵy balabaqshaǵa jasalǵan shabýyldan úsh adam mert boldy

BEIJІŃ. QazAqparat – Tszıansı provıntsııasynda (Shyǵys Qytaı) balabaqshaǵa jasalǵan qarýly shabýyl saldarynan úsh adam qaza taýyp, altaýy jaralandy. Bul týraly «Beıtszın jıbao» gazeti oqıǵa oryn alǵan Tszıansı provıntsııasynyń Anfý ýeziniń qoǵamdyq qaýipsizdik basqarmasyna silteme jasap jazdy, dep habarlaıdy QazAqparat menshikti tilshisi.

Basylymnyń málimetinshe, 48 jastaǵy qarýly er adam beısbolka men maskamen jeke balabaqshaǵa kirip, bólmedegi adamdarǵa shabýyl jasaǵan. Shabýyl saldarynan úsh adam qaza taýyp, alty adam túrli dárejedegi jaraqat aldy.

Oqıǵa sársenbide jergilikti ýaqyt boıynsha 10:22-de Qytaıdyń shyǵysyndaǵy Tszıansı provıntsııasynyń Anlý ýezinde bolǵan. Qazirgi ýaqytta jergilikti polıtsııa qylmyskerdi izdestirýde. Jańalyqtar habarlamasynda shabýyl jasaýshynyń maqsaty jáne qylmysty jasaý úshin qandaı qarý qoldanǵany kórsetilmegen.

Jergilikti polıtsııa qylmysty ashýǵa yqpal etetin aqparatty bergeni úshin 50 myń ıýan (shamamen 7,3 myń dollar) syıaqy jarııalady.

Foto: Global Look Press/Costfoto